قصيدة

الشعـر دلـه والفناجيـل قيـفـان
وأشرب فناجيـل القوافـي بديـه
وصفف القيفـان والقلـب شفقـان
شاعـر وعنـدي لشعـر مقدريـه
كان السفينه مركـب وفيـه ربـان
فأنـا تمثنيـت البحـور العصيـه
ولاعودت لشعر شاعـر وبطـران
أداحـم الشعّـار والنـار حـيـه
يا خيل العرفا ولو كان مـا كـان
وأنا ولد عامر على الصعب سيـه
خوالي الظفران من ساس قحطـان
هواجـرٍ زبـن الدخيـل و خويـه
وفي ربعي العجمان ماني بندمـان
أهل الوفا وأهـل القلـوب النقيـه
المسأله ما هي ترى حبك الأوزان
وماهي عشان اعجاب بحلى بنيـه
المسأله ذالحين في وسـط ميـدان
والشاعـر اللـي فكرتـه عبقريـه
أبشرك يـا مسلـم البـال طربـان
فالشعر عنـدي فلسفـه شاعريـه
أرتب المعنى على عـدت أركـان
وأجاري بيوت الشعـر مـا عليـه
أنا على خبرك جبل يـا كحيـلان
والريـح هبتهـا تجـي موسميـه
الحمد لله وأشكـره عالـي الشـان
خالـق عمـاد الكـون والجاذبيـه
من صغر سني أبني الساس عمدان
ويامصغر الشمس وتضئ البريـه
وش قيمته شاعر كذا دون برهـان
يلعب على نفسـه ونفسـه رديـه
أما يجي شاعـر ومبـدع وفنـان
ولا ترى راحـت حياتـه خطيـه
يلعب على نفسه مع طلقـة لسـان
انـه خـذا موقـف واسمـه بليـه
يا محمد بن الذيـب ولا ياضيـدان
شعّار عصـر العولمـه الأسبقيـه
قريت في بعض الكتب اسم راكان
من دون كلمات الفخـر والحميـه
وأيقنت في أن الشعر بعض الاحيان
يروي حكايـات الشعـوب النديـه
وتخيل ان الوقت يجري والأزمـان
أجـاري الأوضـاع والنـار فيـه
تحرق كرات الدم في داخل انسـان
عسـى يشـوف بيوتـه الممتليـه
وأنا وقافي وأصد القـول عنـوان
لأهل الجزالـه والبيـوت الوفيـه
وانشد دلال الشعر وان كنت غلطان
كسـر فناجيلـي وعقـب يـديـه




تحياتي .. للجميع

مشكووووووور على هالشعر اخوي



وماقصرت


تحياتي,,

المجهول

الله يخليك

وين الردود شباب

ما هذه القصيدة الرائعة!!


مشكور اخوي يا هلالي



تحيات ( النمر)

المتصفح بأكمله يقف إحتراما ً لتواجدك !

ان كان هنالك من حصاد .

فهو ماحصل عيله هذا النص المتواضع من وقتك.

حروفك الرقيقه جعلتني أسقط في نهر عذبْ جاري .

حضورك . يزيد النص أناقه

أسعدني تواجدك العذب و إطراءك لـي.

دمتي بحــــب،،

ينحني قلمي لحضورك

ودي وعبير وردي / أيتها الغالي

مشكوريييييييييييييييين