مدخل \\
عندما يخسر العاشق حبيبه
يرى بقلبه الجريح كل ماحوله
ويفسرها عقله المتفهم لألام قلبه
فيعم الجو الحزن وتسكن القلب الهموم
أليكم هذه الابيات
اتمنى ان تحوز على رضاكم
أجي منّا وأجي منّا وأحاول أظهر الطيبه
وأصففها وأرتبها لعلّ غيري لها يرتاح
وألاقي بدنيتي حسره وألاحظ دنيتي خيبه
من أقرابي وعدواني جُرح قلبي ودمّه ساح
وكل شيء ن يجي بالبال رب الكون يدري به
وحتى زلّة النظره ودمع الحب لاأجتاح
حسافه ضيقتي وقهري وقلب ن زاد تعذيبه
وحبّ ن زايف ن مكذوب وحظ ن قايمن ثم طاح
وضيم مشتت ن فكري لواني وحاس ترتيبه
خذاني حزني بيده وبدّل لي الهدوء بصياح
أعاني والهموم كثار وفرح القلب بتذيبه
ليا من صرت انا وحدي بليل ن والقمر وضّاح
أسامر دمعتي بحسره لقلب ن زان تسحيبه
وروحي صادفت أتعاب وجرحي إنقسم لجراح
جزاي وذا الحلا غدار يبكّي من هو يسيبه
ويعلل مابقى في الروح ويمحي باقي الافراح
أعزّي نفسي بنفسي مصيبه ياهي مصيبه
لوحدي والدفا حزني وذي همومي تجيني رياح
ولاشيء يسلّيني ولالي بينهم هيبه
واذا منّي نويت أفرح طعنّي الحزن ثمن صاح
حقيقه ذا الهوى نقمه يودّي الحزن ويجيبه
ويخلّي صاحبه مكتوف وغيره عايش ن مرتاح
ـــــــــــــــــــــــــــ
وسلامتكم,,,
موضوع: الحلا غدّار 
الجمعة أبريل 11, 2008 1:02 pm
